Pas një viti të suksesshëm 2022, një kompani kineze vendosi të shpërblejë punonjësit e saj me 9 milionë dollarë që u shpërndanë në një mënyrë mjaft unike. Për shumicën e kompanive, procesi tipik për dhënien e bonuseve është në llogarinë tuaj bankare , qoftë si pjesë e çekut tuaj të pagës ose si një pagesë një herë . Por Cui Peijun, themeluesi dhe pronari i kompanisë kineze që prodhon vinça “Henan Mine”, kishte një qasje shumë të ndryshme për të falënderuar stafin e tij me një shpërblim të madh në para.

Cui Peijun festoi një rritje të madhe të shitjeve në vitin 2022 dhe vendosi të shpërndante nga 740,000 dollarë për pesë menaxherët kryesorë të shitjeve të kompanisë. 35 menaxherë të tjerë shitjesh morën shpërblime nga 150,000 deri në 700,000 dollarë secili. Këto u shpërndanë gjatë një ceremonie më 17 janar të mbajtur pak para Vitit të Ri Kinez.

Por për të kërkuar shpërblimin, stafi duhej të mblidhte paratë nga një mal gjigant me para që ishte në skenë. Madje pronari Cui kishte organizuar edhe disa lojëra për punëtorët e tij para se të merrnin bonuset që u takonin.

Kompania Henan ka ecur mirë pavarësisht nga problemet ekonomike që kanë pllakosur industrinë e ndërtimit të Kinës vitin e fundit . Në vitin 2022, Henan Mine fitoi 1.36 miliardë dollarë, sipas Jiemian News. Kjo ishte një rritje prej 22% nga viti 2021.