Forcat ruse kanë nisur një sulm me raketa ndaj Kievit, duke aktivizuar mbrojtjen ajrore të kryeqytetit ukrainas. Kryetari i bashkisë, Vitali Klitschko, njoftoi se qyteti ishte nën sulm, ndërsa banorët raportuan shpërthime në zona të ndryshme. Alarmi ajror zgjati rreth 40 minuta.
Ndërkohë, në Odesa, forcat ruse kryen dy sulme në qendër të qytetit. Sulmi i dytë ndodhi pasi ekipet e shpëtimit kishin mbërritur në zonë. Të paktën 10 persona mbetën të plagosur, ndërsa një automjet dhe një ndërtesë administrative u dëmtuan.
Mediat e huaja raportuan se pas sulmeve, në një ndërtesë të lartë u raportua zjarr, me ekipet zjarrfikëse që ndërhynë në vendngjarje. Më herët, sulmet ruse kishin goditur edhe dy anije mallrash dhe një cisternë në portet ukrainase dhe në Detin e Zi. Autoritetet ruse pretenduan se anijet përdoreshin për furnizimin e ushtrisë ukrainase.