Zyrtarë të lartë të administratës së presidentit Donald Trump po zhvillojnë këtë fundjavë takime me negociatorët ukrainas në Florida, me synimin për të ndërmjetësuar fundin e luftës së Rusisë në Ukrainë dhe për të përgatitur terrenin për bisedimet kyçe që pritet të mbahen këtë javë në Moskë me presidentin rus Vladimir Putin.
Sekretari i Shtetit, Marco Rubio, i dërguari i posaçëm Steve Witkoff, dhe Jared Kushner, dhëndri i presidentit Trump, pritet të ulen me delegacionin ukrainas për të detajuar më tej një kornizë të propozuar paqeje, bisedime që zhvillohen në një moment delikat për Kievin, teksa Ukraina vazhdon të përballet me forcat ruse që e pushtuan vendin në vitin 2022, raporton AP.
Të premten, pak para takimit në Florida, presidenti ukrainas Volodymyr Zelenskyy njoftoi dorëheqjen e shefit të tij të fuqishëm të kabinetit, Andrii Yermak, i cili deri në atë moment kishte qenë negociatori kryesor i Ukrainës në bisedimet me SHBA-në.