Shtetet e Bashkuara po rrisin praninë e tyre ushtarake në Lindjen e Mesme, ndërsa një tjetër aeroplanmbajtëse po përgatitet të dislokohet në rajon mes tensioneve në rritje me Iranin.
Sipas Fox News, aeroplanmbajtësja “USS George H.W. Bush” përfundoi përgatitjet përfundimtare për misionin e saj.
Marina Amerikane njoftoi se anija, së bashku me anijet luftarake shoqëruese dhe krahun ajror, ka përfunduar ushtrimin kompleks të gatishmërisë operacionale që kërkohet për të certifikuar grupet e sulmit të aeroplanmbajtësve përpara se të ndërmarrin misione operative.
Sipas Institutit Detar Amerikan, ky proces është një kërkesë kyçe që një grup sulmi të konsiderohet plotësisht i gatshëm për dislokim.
“USS George H.W. Bush” pritet të vendoset së shpejti dhe të drejtohet drejt Mesdheut lindor, duke forcuar më tej praninë ushtarake amerikane në rajonin më të gjerë.