Departamenti i Shtetit ka lëshuar një alarm sigurie për qytetarët amerikanë në Iran, duke këshilluar që ata të kërkojnë strehim në një vend të sigurt ose të largohen nga vendi sa më shpejt të jetë e mundur përmes rrugëve tokësore.
Sipas njoftimit, shtetasit me dy pasaporta, amerikane dhe iraniane, duhet të përdorin vetëm pasaportën iraniane për të dalë nga vendi, pasi përdorimi i pasaportës amerikane ose përmendja e lidhjes me SHBA mund të sjellë ndalime nga autoritetet iraniane.
Uashingtoni ka sugjeruar si opsione largimi Turqinë dhe Armeninë, të cilat aktualisht pranojnë hyrjen për mbajtësit e pasaportave amerikane.