Qeveria e Shteteve të Bashkuara të Amerikës ka njoftuar ndërprerjen e financimit për programet që luftojnë përhapjen e HIV/AIDS në Afrika e Jugut, raportoi BBC.
Afrika e Jugut konsiderohet vendi me numrin më të lartë të personave që jetojnë me HIV në botë, me mbi 8 milionë të prekur.
Deri më tani, SHBA kontribuonte me rreth 400 milionë dollarë në vit përmes programit PEPFAR, duke mbuluar afro një të pestën e kostove totale të programeve kundër HIV/AIDS në vend.
Sipas Departamenti Amerikan i Shtetit, vendimi lidhet me atë që administrata amerikane e cilëson si “mungesë progresi” nga Afrika e Jugut dhe nevojën për “vetëmjaftueshmëri”, duke argumentuar se vendi ka kapacitet ekonomik për të financuar vetë sistemin e tij shëndetësor.
Nga ana tjetër, autoritetet në Pretoria kanë deklaruar se nuk janë njoftuar paraprakisht për këtë vendim dhe kanë theksuar se programet jetike të trajtimit me antiretroviralë financohen kryesisht nga shteti.
Qeveria sudafrikane ka hedhur poshtë gjithashtu akuzat e mëparshme të Uashingtonit për diskriminim racial dhe pretendimet për “persekutim të afrikanerëve”.
Vendimi vjen në një moment tensionesh të shtuara diplomatike dhe politike mes dy vendeve.