Një gjyqtar federal në SHBA ka rrëzuar padinë prej 15 miliardë dollarësh që ish-presidenti Donald Trump ngriti kundër gazetës The New York Times dhe shtëpisë botuese Penguin Random House, duke e cilësuar atë “të papërshtatshme dhe të palejueshme”.
Gjykatësi i Qarkut, Steven Merryday, vendosi të premten se padia shkelte qartë rregullat që rregullojnë procedurat civile dhe i dha avokatëve të Trump 28 ditë kohë për të tërhequr ankesën. “Një ankesë nuk është një megafon për marrëdhënie me publikun apo një podium për një fjalim pasionant në një tubim politik,” shkroi gjykatësi në vendimin e tij katërfaqësh.
Trump pretendonte se The New York Times kishte publikuar “gënjeshtra” për të, duke përfshirë një raport se ish-shefi i stafit John Kelly e kishte paralajmëruar se do të sillte një qeverisje autoritare.
Kjo nuk është padi e vetme për shpifje që Trump ka ngritur kohët e fundit. Në korrik, ai nisi një tjetër kërkesë 10 miliardë dollarëshe kundër The Wall Street Journal, pas një artikulli që e lidhte me financierin Jeffrey Epstein – akuzë që Trump e mohon.