Një incident i dyshuar si zjarrvënie e qëllimshme është shënuar në orët e para të së enjtes në zonën e Peristerit, ku objektiv ka qenë një shkollë e arteve marciale.
Sipas të dhënave paraprake, ngjarja ka ndodhur rreth orës 03:15 në një godinë në rrugën Ethnarchou Makariou, ku ushtron aktivitetin një qendër Tae Kwon Do. Në vendin e ngjarjes janë konstatuar disa shishe plastike me lëndë djegëse, si edhe një tjetër e pajisur me fitil, duke përforcuar dyshimet për një akt të qëllimshëm.
Flakët kanë shkaktuar dëme materiale në ambientet e biznesit, ndërsa fatmirësisht nuk ka pasur persona të lënduar. Autoritetet përkatëse kanë nisur hetimet për të identifikuar autorët dhe për të sqaruar plotësisht rrethanat e ngjarjes.