Një zjarr i fuqishëm ka përfshirë një fabrikë në Burlington County, në shtetin e New Jersey, duke ngritur re të dendura tymi në qiell.
Flakët shpërthyen në katin e dytë dhe të tretë të fabrikës American Custom Drying, pas një shpërthimi të raportuar brenda godinës.
Ekipet mbërritën në vendngjarje dhe konstatuan flakë që dilnin nga një ndërtesë shumëkatëshe. Pamjet ajrore treguan dhjetëra mjete emergjence dhe zjarrfikësit që hidhnin ujë drejt kateve të sipërme për të vënë nën kontroll flakët.
Zjarri arriti nivelin e alarmit të dytë përpara se të vihej nën kontroll pak para orës 22:30. Ende nuk ka informacion nëse ka persona të lënduar, ndërsa po vijojnë hetimet për shkakun e zjarrit.
Sipas faqes së saj zyrtare, fabrika përpunon një linjë të plotë përbërësish industrialë të tharë me spërkatje.