Në zonën kufitare mes Kolumbisë dhe Venezuelës, qeveria kolumbiane i ka shndërruar shqetësimet për një regjim të destabilizuar në masa konkrete ushtarake.
Autoritetet kanë forcuar praninë e trupave, të shqetësuara pjesërisht nga aktiviteti në rritje i grupeve rebele të krahut të majtë, të cilat lëvizin lirshëm përgjatë kufirit. Sipas ‘BBC’, grupi rebel ELN, i cili tradicionalisht ka pasur lidhje të ngushta me qeverinë e Maduros dhe ka gëzuar mbrojtjen e saj, mund të jetë i gatshëm të përfshihet në një konflikt të armatosur me trupat amerikane.
Megjithatë, është e qartë se qeveria e presidentit kolumbian, Gustavo Petro, është gjithashtu e shqetësuar se një ndërhyrje më e gjerë amerikane në Venezuelë mund të shkaktojë flukse edhe më të mëdha emigrantësh dhe refugjatësh, që do të kalonin përmes Kolumbisë në përpjekje për të arritur përfundimisht në Shtetet e Bashkuara.
