Të stigmatizuara prej kohësh për sjelljen e fatit të keq ose për lidhje me okultin, macet e zeza kanë gjetur shpëtim në një qytet spanjoll që ka ndaluar përkohësisht adoptimin e tyre, për të shmangur “ritualet” potencialisht të liga të Halloween-it. Çdo kërkesë për adoptim ose kujdestari për macet do të refuzohet nga 1 tetori deri më 10 nëntor për të parandaluar rrezikun e mundshëm që rrjedh nga supersticionet, ritualet ose përdorimet e papërgjegjshme. Këtë njoftoi shërbimi i mirëqenies së kafshëve të Terrassa-s, një qytet në veri të Barcelonës.
Vendimi u mor për shkak të mbërritjes së periudhës së Halloween-it dhe duke ndjekur kriteret e kujdesit të aplikuara nga entitete të ndryshme të mbrojtjes së kafshëve shtuan autoritetet në qytetin në rajonin verilindor të Katalonjës. Gazeta lokale Diari de Terrassa citoi këshilltarin e mirëqenies së kafshëve Noel Duque se kërkesat për adoptim për macet e zeza rriten afër Halloween-it “për qëllime rituale” ose “si dekorim sepse ‘është në rregull’”. Bashkia “nuk mund të shihte anën tjetër” kur përballej me “një temë të zymtë”, tha Duque, i cili ulet pranë një maceje ngjyrë të kuqe në foton e profilit të tij në Facebook.
Grupet e mirëqënies së kafshëve paralajmërojnë se macet mund të lëndohen, vriten ose përdoren si objekte ndihmëse gjatë ritualeve të Halloween-it. Përjashtimet do të “justifikohen dhe vlerësohen siç duhet nga ekipi teknik i qendrës, ku ekziston një garanci e plotë sigurie dhe një histori e besueshme e aplikantit”, tha shërbimi i mirëqenies së kafshëve. Procesi normal i birësimit dhe kujdestarisë do të rifillojë pas Halloween-it, shtoi ai, duke mos përjashtuar një ndalim të ngjashëm në të ardhmen.