Universiteti i Harvardit është përfshirë nga një skandal, pasi akuzohet se ka keqtrajtuar trupat e dhuruar nga familjarët për qëllime studimore. shkollës së tij mjekësore dhe pjesët e të cilëve më pas janë shitur në tregun e zi nga ish-menaxheri i morgut të tij. Universiteti akuzohet ka shitur në treg të zi organet.
Një gjykatës shtetëror në Boston ka dhënë miratimin paraprak për një marrëveshje prej 53 milionë dollarësh, e cila synon të zgjidhë paditë e ngritura kundër universitetit pas arrestimit, në vitin 2023, të Cedric Lodge, ish-menaxherit të morgut të Harvard Medical School. Lodge, i cili kishte punuar në morgun e Harvardit për gati tre dekada, u dënua nga një gjykatës federal në dhjetor me tetë vjet burg për vjedhjen dhe shitjen e organeve dhe pjesëve të tjera të kufomave që ishin dhuruar shkollës për kërkime dhe edukim mjekësor.
Prokurorët thanë se që nga viti 2018, ai kishte vjedhur pjesë nga kufomat, përfshirë koka, fytyra, tru, lëkurë dhe duar, të cilat i kishte transportuar nga morgu i Harvardit në Boston në shtëpinë e tij, ku ai dhe gruaja e tij i shitën. Reuters shkruan se dhjetëra të afërm të individëve, trupat e të cilëve u dhuruan Harvardit, ngritën padi duke akuzuar shkollën për neglizhencë, duke pretenduar se ajo mbylli sytë ndaj sjelljes shumëvjeçare të Lodge deri sa ai u akuzua në vitin 2023.
Për të nderuar kujtimin e donatorëve, fakulteti njoftoi gjithashtu krijimin e një burse vjetore për studentët e mjekësisë nga viti akademik 2027-2028, duke theksuar se, pavarësisht përfundimit të rrugës gjyqësore, procesi i shërimit për familjet dhe komunitetin akademik mbetet i gjatë.