Policia në Zelandën e Re po përpiqet të gjurmojë ëmbëlsirat që përmbajnë “nivele potencialisht vdekjeprurëse të metamfetaminës” pasi ato u shpërndanë nga një organizatë bamirëse në Auckland.
Deri në 400 njerëz mund të kenë marrë ëmbëlsirat nga Misioni i Auckland City si pjesë e një pakete ushqimore, tha organizata bamirëse kundër varfërisë. Ëmbëlsirat u dhuruan në mënyrë anonime nga një anëtar i një publiku në një paketë të mbyllur me pakicë. Të paktën tre persona, përfshirë një fëmijë, kërkuan kujdes mjekësor më pas, megjithëse asnjëri nuk është aktualisht në spital.
“Ne nuk e dinim që ëmbëlsirat përmbanin metamfetaminë kur u shpërndanë”, tha zëdhënësi i bamirësisë për median BBC.
Më pas ëmbëlsirat u dërguan në Fondacionin e Drogës NZ për teste, të cilat konfirmuan se nivelet potencialisht vdekjeprurëse të metamfetaminës përmbaheshin në mostra. Në një deklaratë, fondacioni tha se gjetën rreth 3 g metamfetaminë në një ëmbëlsirë që u dërgua për testim.
“Një dozë e zakonshme për të gëlltitur është midis 10-25 mg, kështu që ky lolly i kontaminuar përmbante deri në 300 doza. Gëlltitja e një sasie të tillë të drogës është “jashtëzakonisht e rrezikshme dhe mund të rezultojë në vdekje”- thotë kreu i saj Sarah Helm.
Sipas fondacionit, metamfetamina mund të shkaktojë dhimbje gjoksi, rrahje të zemrës, kriza, hipertermi, delirium dhe humbje të vetëdijes.