Një ekip mjekësor në një spital rus përfundoi me sukses një operacion me rrezik për një pacient, teksa zjarrfikësit luftonin për të frenuar zjarrin që përfshiu çatinë e ndërtesës së vjetër.

Më shumë se 120 persona u evakuuan si dhe nuk u raportuan lëndime në këtë spital i cili gjendet në qytetin Blagoveshchensk në lindjen e largët.

Flakët shpërthyen pas një shkëndije në një kabllo elektrike të urgjencës që drejtohet në pjesën operative në katin përdhes të spitalit.

Pacienti i cili ishte në operacion gjatë këtij incidenti u evakuua më vonë.

Kirurgu kryesor, Valentin Filatov, tha që ekipi i tij duhej ta shpëtonte këtë person si dhe kishin bërë gjithçka për t’ia arritur qëllimit.

Tetë mjekë dhe infermierë u përfshinë në operacionin dy orësh, i cili filloi pak para se të shpërthente zjarri.