Presidenti i Emirateve të Bashkuara Arabe, Mohammed bin Zayed Al Nahyan, ka lëshuar një paralajmërim të fortë ndaj Iran, duke deklaruar se vendi i tij nuk është “pre e lehtë” dhe se është i gatshëm të mbrojë veten nga çdo kërcënim.
Gjatë një vizite në një spital ku po trajtohen civilë të plagosur nga sulmet e fundit, lideri i Emiratet e Bashkuara Arabe theksoi se dëshiron t’i dërgojë një mesazh të qartë “armikut” të vendit të tij.
Ai u shpreh se Emiratet janë një vend i zhvilluar dhe model për rajonin, por paralajmëroi që kjo të mos interpretohet si dobësi. Sipas tij, vendi ka forcën dhe kapacitetin për t’u përgjigjur ndaj çdo sulmi.
Deklaratat e tij vijnë në një moment tensioni në rritje në rajonin e Gjirit, pasi sistemet e mbrojtjes ajrore të Emirateve reaguan ndaj një kërcënimi me raketa. Këto janë komentet e para publike të presidentit që nga përshkallëzimi i konfliktit në rajon.