Shkencëtarët kanë krijuar një serum që rikthen flokët në vetëm 20 ditë. Studiuesit në Tajvan testuan një formulë të re te minjtë dhe brenda tre javësh, kafshët plotësisht pa qime filluan t’i rrisnin ato përsëri.
Sekreti qëndron te acidet yndyrore natyrale që stimulojnë folikulat e flokëve pa irrituar lëkurën. Shkencëtarët thonë se serumi është i sigurt dhe po përgatiten për prova te njerëzit. Nëse keni vënë re se flokët po ju bien më shumë gjatë larjes apo krehjes, mos u alarmoni, kjo është diçka krejtësisht normale në këtë periudhë të vitit.
Sipas ekspertëve, rënia sezonale e flokëve është një fenomen natyral që ndodh kryesisht gjatë kalimit nga vera në vjeshtë. Gjatë muajve të verës, folikulat e flokëve mbajnë më shumë qime për të mbrojtur skalpin nga dielli, ndërsa në vjeshtë, shumë prej tyre hyjnë në fazën e rënies. Kjo bën që flokët të duken më të rrallë përkohësisht, por pa qenë shenjë e ndonjë problemi serioz.