Një ngjarje tragjike ka ndodhur në Spanjë, ku një grua shtatzënë, fëmija dhe nëna e saj janë vrarë në një sulm me armë.
Sipas mediave të huaja, ngjarja ka ndodhur në rajonin e Costa de la Luz pranë kufirit jugor të Spanjës me Portugalinë. Dy burra të maskuar hynë me motoçikletë në ambientet e një resorti dhe hapën zjarr drejt një familjeje. Një 39-vjeçare, e cila ishte tetë muajshe shtatzënë, djali i saj adoleshent, 16 vjeç dhe gjyshja e fëmijës nga nëna, 62 vjeç, vdiqën të gjithë në vendngjarje si pasojë e plumbave. Ndërkohë, dy persona të tjerë janë dërguar në spital, në gjendje të rëndë.
Policia ka njoftuar se pista kryesore ku po hetohet është larja e hesapeve apo një sulm hakmarrjeje nga rivaliteti i dy grupeve kriminale. Viktimat janë motra, nipi dhe nëna e një personi të arrestuar më herët për një sulm të ngjashëm me armë, të ndodhur në vitin 2024.