Të paktën 16 nxënës humbën jetën në një aksident të rëndë trafiku në Kolumbi, pranë komunës së Segovias.
Sipas mediave, një autobus që transportonte rreth 40 adoleshentë, të moshës 16 deri në 18 vjeç, doli nga rruga për arsye ende të panjohura dhe u rrëzua në një shkëmb disa dhjetëra metra të lartë.
Bilanci i viktimave u konfirmua nga guvernatori i rajonit Antioquia, Andrés Julián Rendón. Ndërkohë, 19 të rinj u plagosën dhe po marrin trajtim mjekësor në dy spitale në qytetet e afërta të Segovias dhe Remedios.
