Një aksident i rëndë ka tronditur Zvicrën lindore, ku një autobus turistik është përmbysur pasi ka dalë nga rruga, duke shkaktuar pesë viktima dhe 40 të plagosur.
Aksidenti ndodhi të enjten pasdite, ndërsa rrethanat e sakta që çuan në humbjen e kontrollit nga autobusi mbeten ende për t’u përcaktuar.
Sipas Policisë, autobusi me targa holandeze ishte nisur rreth orës 16:45 nga Zernez në drejtim të Sousse. Në zonën e Les, brenda një kantieri ndërtimi, mjeti ka dalë nga rruga dhe është përmbysur.
Mes të plagosurve, tre persona ndodhen në gjendje të rëndë dhe janë shtruar në spital.
Operacioni i shpëtimit ka qenë i gjerë, me shtatë helikopterë të angazhuar nga Rega, Alpine Air Ambulance dhe Heli Austria, ndërsa në vendngjarje kanë mbërritur edhe 13 ambulanca. Të gjithë pasagjerët u transportuan në spitale të ndryshme për të marrë trajtimin e nevojshëm.
Identitetet e viktimave ende nuk janë bërë publike.
Prokuroria Publike e Graubündenit, në bashkëpunim me Policinë Kantonale, ka nisur hetimet për të përcaktuar shkaqet dhe dinamikën e aksidentit tragjik.