Një ortek tragjik në Norvegji ka shkaktuar vdekjen e dy skiatorëve dhe plagosjen e dy të tjerëve, sipas policisë lokale.
Ngjarja ndodhi rreth orës 11:00 pranë qendrës së skive Hemsedal Ski Resort, në veriperëndim të Oslo. Viktimat janë një burrë rreth të 30-ave dhe një vajzë rreth të 20-ave, ndërsa raportohet se burri ishte shtetas suedez.
Në operacionin e kërkim-shpëtimit u përfshinë ekipe emergjence, vullnetarë dhe një helikopter, të cilët arritën të lokalizonin personat e përfshirë në ortek. Dy skiatorët e tjerë të plagosur janë transportuar për ndihmë mjekësore, por gjendja e tyre nuk është bërë ende publike.
Autoritetet kishin paralajmëruar më herët gjatë ditës për rritje të rrezikut të ortekëve në zonë, për shkak të kushteve të paqëndrueshme të borës.