Një ngjarje e rëndë por dhe e çuditshme është regjistruar ditën e sotme në Turqi.
Bëhet me dije nga mediat e huaja se një gjuetar, i identifikuar si Ozgur Gevrekoglu po kthehej në banesën e tij dhe po fuste armët e gjahut në makinë, kur për një moment është qëlluar me armë nga qeni i tij.
Po, po e lexuat mirë, nga qeni i tij i gjahut.
Sipas informacioneve mësohet se qeni po ngjitej në makinë dhe putra e tij shkel këmbëzën e armës, e cila ishte e mbushur.
Për fat të keq, 32-vjeçari u qëllua dhe ndërroi jetë në vendngjarje, teksa ishte bërë baba vetëm dhjetë ditë më parë.
