Një grua 31-vjeçare me origjinë moldave, Axenia Manoli, është gjetur e pajetë në një zonë pyjore në Cave, pranë Romës, pas zhdukjes së saj që nga e enjtja e kaluar. Gruaja kishte shoqëruar fëmijët e saj, 7 dhe 11 vjeç, në shkollë dhe nuk u kthye më në shtëpi. Trupi i saj u lokalizua të premten, rreth 200 metra larg makinës së parkuar.
Sipas mediave italiane, komuniteti lokal shpreh dyshime mbi versionin fillestar të ngjarjes, ndërsa hetimet vazhdojnë në disa pista. Autoritetet po analizojnë edhe një letër të mundshme të lënë nga 31-vjeçarja në banesë, e cila sipas të afërmve përmbante shqetësime për familjen, por nuk tregonte një motiv të qartë për vetëdëm.
Manoli ishte shpërngulur në Cave dy vite më parë, pas denoncimit të ish-bashkëshortit për dhunë, dhe jetonte me fëmijët dhe partnerin e ri në një zonë jo shumë larg vendit ku u gjet e pajetë. Alarmi për zhdukjen u dha nga partneri i saj, i cili njoftoi karabinierët kur gruaja nuk u kthye në shtëpi. Hetimet u intensifikuan duke përdorur GPS-in e makinës, i cili çoi fillimisht te makina dhe më pas te trupi i viktimës.
Prokuroria e Tivolit dhe karabinierët po mbledhin të gjitha provat e mundshme, ndërsa hetimi mbetet i hapur dhe nuk përjashtohet asnjë pistë.