Një mjek nga Ohio, Francis J. Kearse III, u gjet i vdekur më 27 mars në Trenton, disa ditë para se të përballej me akuza për abuzim seksual me të mitura dhe prostitucion të detyruar.
Kearse, 43 vjeç, i njohur në internet si “babai i sheqerit” ose ndryshe “suggar daddy”, dyshohet se i kishte ofruar adoleshenteve para të vogla në këmbim të marrëdhënieve seksuale.
Ai do të paraqitej në gjykatën e Qarkut Hamilton për akuza që përfshinin marrëdhënie seksuale me një vajzë 16-vjeçare.
43-vjeçari vdiq nga një plagë e dyshuar me armë zjarri e shkaktuar vetë në Trenton, Ohio, një qytet rural, pak para orës 6 pasdite më 27 mars.
Hetimet zbuluan se Kearse përdorte Snapchat për të kontaktuar vajzat e reja dhe për t’u prezantuar si një “suger daddy”, duke krijuar marrëdhënie që më pas do të çonin në akt seksual të paguar.
Një nga viktimat e dyshuara raportohet se mori dy stilolapsa elektronike dhe 15 dollarë para se të ndodhte marrëdhënia seksuale.
Kearse u arrestua më 11 mars, por u lirua me kusht për t’u paraqitur në gjykatë për seancën e tij të paraburgimit të planifikuar për të martën.
Ai u urdhërua të qëndronte larg mediave sociale si pjesë e kushteve të lirimit me kusht.