Një burrë në provincën e Breshias është arrestuar nga policia italiane me dyshimin për abuzim seksual ndaj vajzës së tij të mitur, e cila dyshohet se mbeti shtatzënë si pasojë e këtyre veprimeve.
Arrestimi u krye nga autoritetet e Lombardisë në bazë të një urdhri paraburgimi të lëshuar nga Prokuroria lokale.
Rasti u zbulua pasi e mitura u dërgua në urgjencë nga nëna e saj për shkak të dhimbjeve të forta abdominale. Pas ekzaminimeve mjekësore, u konstatua se ajo ishte shtatzënë, çka çoi në njoftimin e autoriteteve dhe nisjen e menjëhershme të hetimeve.
Sipas policisë, dyshohet se abuzimi ka ndodhur për një periudhë të gjatë dhe se babai ka shfrytëzuar pozicionin e tij brenda familjes.
I dyshuari është dërguar në paraburgim, ndërsa hetimet vijojnë për të dokumentuar plotësisht ngjarjen dhe përgjegjësitë penale.