Ka kaluar më shumë se një javë nga Samiti i Alaskës, ku presidenti i SHBA-së, Donald Trump, dhe presidenti i Rusisë, Vladimir Putin, deklaruan se takimi i tyre ishte jashtëzakonisht produktiv dhe se ekzistonte një mundësi reale për të arritur paqen në Ukrainë.
“Nuk jemi ende atje, por kemi një shans shumë të mirë për të arritur atje. Nuk ka marrëveshje derisa të ketë një marrëveshje,” tha Trump në konferencën për mediat pas samitit.
Megjithatë, 12 ditë më pas, më 28 gusht, kryeqyteti ukrainas, Kievi, u godit nga sulmet ruse, ku mbetën të vrarë 19 civilë, mes tyre edhe 4 fëmijë. Ky sulm i ka shkaktuar reagime të forta në komunitetin ndërkombëtar dhe brenda administratës amerikane, duke shtuar presionin mbi Trump. Shtëpia e Bardhë ka lajmëruar një konferencë për shtyp pasdite.
Liderët evropianë reaguan ashpër ndaj Moskës. Kryetarja e Komisionit Ekzekutiv të BE-së, Ursula von der Leyen, shprehu zemërimin e saj për sulmin më vdekjeprurës të Rusisë ndaj Kievit që nga korriku, i cili dëmtosi edhe zyrën e delegacionit të BE-së në kryeqytet.
Në një deklaratë të fortë, von der Leyen tha se raketat goditën në afërsi të misionit diplomatik: “Dy raketa goditën në një distancë prej 50 metrash (165 këmbë) nga delegacioni brenda 20 sekondave.”
Ky incident vjen në kohën kur shpresat për një marrëveshje paqësore dukeshin të ndriçuara pas Samitit të Alaskës, duke nxjerrë në pah tensionin e vazhdueshëm dhe rrezikun human në Ukrainë.