Presidenti amerikan Donald Trump ka njoftuar një ndryshim në drejtimin e administratës së tij, duke emëruar Stephen Miller në postin e shefit të stafit të Shtëpisë së Bardhë.
Miller, i cili deri më tani mbante detyrën e zëvendësshefit të stafit dhe konsiderohet një prej bashkëpunëtorëve më të afërt të presidentit, do të marrë zyrtarisht detyrën të hënën, më 9 nëntor 2026.
Ai do të zëvendësojë Susie Wiles, e cila do të largohet nga ky pozicion për t’iu bashkuar strukturës politike të Trump.
Lajmin e bëri publik vetë presidenti amerikan përmes një postimi, ku vlerësoi punën e Miller dhe falënderoi Wiles për kontributin e saj në drejtimin e stafit presidencial.
Ndryshimi vjen vetëm pak ditë pas zgjedhjeve të mesmandatit, në të cilat republikanët humbën kontrollin e Kongresit, ndërsa demokratët arritën të rimarrin shumicën.
Susie Wiles ishte gruaja e parë që drejtoi stafin e Shtëpisë së Bardhë. Ajo ka qenë një prej figurave më të besuara të Trump dhe luajti rol të rëndësishëm në fushatën që e riktheu atë në presidencë në vitin 2024.