Presidenti i Shteteve të Bashkuara të Amerikës, Donald Trump ka nisur fjalimin në Bordin e Paqes në Uashington.
Në fjalën e parë, Trump nuk i ka kursyer thumbat për liderët e vendeve që refuzuan t’i bashkoheshin nismës së tij, mes tyre disa vende të Evropës dhe po ashtu liderët e Bashkimit Europian. Trump tha se disa po bëjnë naze, e disa të tjerë, nuk duan që të jenë pjesë e këtij bordi.
“Sukseset që kemi arritur, në fillim më thanë që nuk realizoheshin për 4 vite, u arritën brenda një viti. Arritje financiare të jashtëzakonshme, kemi bërë një punë të mrekullueshme. Bordi i Paqes është një nga gjërat më të arritura. Disa nga luftërat zgjasin prej dhjetëra vitesh dhe ne i kemi dhënë fund brenda dy ditëve. Gaza është çështje komplekse, Marco Rubio po na ndjek, çfarë pune e mrekullueshme është bërë. Sot është një nder i madh që ju mirëpres në Institutin e Paqes. Është bordi më i fuqishëm, këtu bën pjesë pjesa më e madhe e liderëve botërorë. Disa po bëjnë naze, por shumë drejtues e kanë pranuar menjëherë. Ka disa që nuk duam t’i kemi” – tha Trump në nisje të fjalimit.
