Presidenti amerikan Donald Trump ka paralajmëruar Omanin me veprime ushtarake nëse vendi arab bashkëpunon me Iranin për të ushtruar kontroll të përbashkët mbi Ngushticën strategjike të Hormuzit.
Deklarata e fortë u bë gjatë një mbledhjeje të kabinetit në Shtëpinë e Bardhë, ndërsa tensionet në Lindjen e Mesme vijojnë të mbeten të larta.
“Askush nuk do ta kontrollojë atë. Janë ujëra ndërkombëtare dhe Omani do të sillet njësoj si të gjithë të tjerët, ose do të na duhet t’i hedhim në erë”, deklaroi Trump.
Sipas raportimeve të mediave amerikane, Irani ka diskutuar me Omanin mundësinë e vendosjes së taksave për anijet që kalojnë nëpër Ngushticën e Hormuzit, një nga korridoret më të rëndësishme të transportit të naftës në botë.
Trump theksoi gjithashtu se administrata amerikane po negocion për të garantuar lirinë e lundrimit në zonë.
“Ata do të donin ta kontrollonin atë”, u shpreh presidenti amerikan, duke shtuar se nëse negociatat dështojnë, “do të na duhet ta përfundojmë punën” ushtarakisht.
Ndërkohë, Departamenti amerikan i Shtetit publikoi në rrjetet sociale një video me deklaratat e Trump, duke sinjalizuar mbështetjen e administratës ndaj paralajmërimit të presidentit.
Sipas raportimeve, SHBA dhe Irani po punojnë për një memorandum mirëkuptimi që synon rihapjen e plotë të Ngushticës së Hormuzit për transportin ndërkombëtar pa tarifa shtesë, ndërsa negociatat për programin bërthamor iranian vazhdojnë.
Ministri i Jashtëm i Omanit, Badr al Busaidi, ndërmjetësoi më pas bisedimet e 26 shkurtit në Gjenevë midis Araghchi-t, Witkoff-it dhe dhëndrit të Trump-it, Jared Kushner-it — me al Busaidi që fluturoi për në Uashington të nesërmen për t’u takuar me zëvendëspresidentin JD Vance në një përpjekje për të shmangur luftën.
Pakistani, dhe së fundmi Katari, kanë marrë rolin udhëheqës në ndërmjetësimin e bisedimeve të paqes që nga fillimi i luftës.
PRESIDENT TRUMP: The Strait is going to be open to everybody. It’s international waters. We’ll watch over it, but nobody’s going to control it.
Oman will behave like everybody else or we’ll have to blow them up. They understand that. pic.twitter.com/hCs1tIhZGP— Department of State (@StateDept) May 27, 2026