Udhëheqësja franceze e ekstremit të djathtë, Marine Le Pen i është rikthyer fushatës së saj të ashpër pavarësisht dënimit me burg që iu dha.
Në një takim këtë mëngjes, ajo ka deklaruar se partia e saj “nuk do t’i lejonte popullit francez t’i vidheshin zgjedhjet presidenciale” pas vendimit të gjykatës së djeshme që e ndaloi të ushtronte një pozicion publik.
Në komentet e raportuara nga mediat franceze, ajo tha se donte të “mbronte popullin francez, i cili ka të drejtë të votojë për kë të dëshirojë”. Le Pen e krahasoi vendimin kundër saj me “një bombë bërthamore” të hedhur mbi të “nga sistemi”, duke argumentuar se “nëse ata përdorin një armë kaq të fuqishme kundër nesh, kjo është sepse ne jemi në prag të fitimit të zgjedhjeve”.
“Ne nuk do ta lejojmë këtë të ndodhë”, shtoi ajo.
Le Pen gjithashtu fajësoi gjykatat për “ndërhyrje” në procesin zgjedhor, duke thënë se kjo minon aftësinë e Francës për të mbrojtur demokracinë globalisht. Megjithatë ajo kritikoi ashpër kërcënimet e raportuara ndaj gjyqtarëve, duke thënë se ato ishin “skandaloze” dhe “të papranueshme”.
