Presidenti Vladimir Putin i ka ofruar azil Bashar al-Assad dhe familjes së tij, pasi forcat rebele morën kontrollin e Damaskut.
Raportohet se tashme ata kanë mbërritur në Moskë dhe kanë marrë azil “për arsye humanitare”. Televizioni shtetëror rus raportoi gjithashtu lajmin, i cili i dha fund spekulimeve në lidhje me vendndodhjen e ish-presidentit të Sirisë.
Më herët, ministria e jashtme ruse kishte njoftuar se Assad “vendosi të jepte dorëheqjen nga presidenca dhe u largua nga vendi, duke dhënë udhëzime për një transferim paqësor të pushtetit”.
Rusia, e cila ka dy baza kryesore ushtarake në Siri, është një aleat i vendosur i Asadit dhe kishte ndërhyrë në luftën civile 13-vjeçare të Sirisë në një përpjekje për ta mbajtur atë në pushtet. Megjithatë, nuk ishte në gjendje të ndalonte rënien e qeverisë përballë një ofensive rebel, që përfitoi nga aleatët e tjerë kryesorë, Irani dhe lëvizja e Hezbollahut të Libanit.
Forcat rebele pushtuan Hamën të enjten mbrëma pasi pushtuan qytetin e dytë të Sirisë, Aleppo, javën e kaluar.
