Ndërsa në Kiev shpërthen kriza e korruspionit, SHBA po shton presionin për një marrëveshje paqeje me Rusinë. I dërguari special Steve Witkoff dhe Jared Kushner pritet të takojnë një delegacion ukrainas në Florida, ndërsa më pas Witkoff do të udhëtojë në Moskë.
Publikimi i një regjistrimi ku Witkoff jepte këshilla për t’u komunikuar me Trumpin një zyrtari rus ka rritur shqetësimin në Kiev.
Nga ana tjetër, Vladimir Putin deklaron se është i gatshëm ta vazhdojë luftën “deri sa të rimarrë territoret” që kërkon, ndërsa vlerëson se propozimet e Trumpit mund të shërbejnë si bazë negociate, edhe pse ende nuk ka një vendim final nga kreu i Kremlinit.
Evropa mbetet e shqetësuar për këtë situatë. Kryeministri polak Donald Tusk e quajti “kombinim fatal” krizën politike në Kiev dhe vizitën e Viktor Orbanit në Moskë, duke shprehur frikën se paqëndrueshmëria në Ukrainë mund të dëmtojë unitetin perëndimor kundër Rusisë.