Vrasësit, përdhunuesit, hajdutët dhe trafikantët e drogës që u listuan nga Vladimir Putin për të marrë pjesë në luftë, shkojnë në një varrezë speciale pasi vdesin në konfliktin me Ukrainën.
“Vlad i çmendur” i zbrazi burgjet me premtimin e lirisë së plotë nëse të burgosurit qëndrojnë gjallë për gjashtë muaj, sado i rëndë të jetë dënimi i tyre.
Por ka sugjerime se skema e diskutueshme i sheh të burgosurit – të cilët kryesisht i bashkohen grupit famëkeq Wagner – të përdoren si “mish për top” për të ruajtur trupat e ushtrisë ruse.
Putin këtë javë përshëndeti “ushtrinë e tij të të burgosurve” me zëdhënësin e tij duke deklaruar se Rusia “duhet të njohë heronjtë e saj”.
Ky vendvarrim i ri me rritje të shpejtë në Bakinskaya në rajonin e Krasnodarit është një nga varrezat e shumta anembanë Rusisë ku prehen luftëtarët e Wagnerit.
Më shumë se 120 varre janë të dukshme, me shumë varrime të tjera që priten së shpejti.
Pesë muaj më parë, kjo ishte një fushë e hapur, pa varre, tha aktivisti i Krasnodarit, Vitaly Votanovsky.
Gjithashtu ka edhe ish të burgosur që më parë kërkuan të varroseshin këtu, pranë një kishe në Goryachiy Klyuch, që shihet si vendi i adhurimit të ushtrisë.
