Vazhdon “ferri” në Francë dhe Spanjë. Zjarret masive që kanë përfshirë dy vendet e rëndësishme europiane kanë detyruar mbi 220 mijë persona të evakuohen, ndërsa autoritetet vijojnë përpjekjet intensive për vënien e flakëve nën kontroll.
Në Francë, rreth 200 mijë banorë janë larguar nga rajonet Gironde dhe Landes, ndërsa presidenti Emmanuel Macron ka angazhuar ushtrinë për të mbështetur operacionet e emergjencës. Në Spanjë, qeveria ka shpallur gjendjen e emergjencës kombëtare, pasi një zjarr i madh pranë Madridit ka dalë jashtë kontrollit dhe ka detyruar evakuimin e 25 mijë personave.
Njësitë ushtarake dhe ekipet e zjarrfikësve janë dislokuar në zonat më të rrezikuara, ndërsa autoritetet po punojnë për të parandaluar bashkimin e vatrave të zjarrit. Deri më tani, flakët kanë përfshirë mijëra hektarë tokë dhe situata mbetet kritike, me monitorim të vazhdueshëm nga shërbimet e emergjencës.