Grupi i hakerave “Anonymous” i ka dërguar ditën e sotme një video-mesazh presidentit serb Aleksandër Vuçiç, në lidhje me Kosovën.

Hakerat kërcënojnë Vuçiç, duke i kërkuar të ndalojë sulmet ndaj Kosovës, përndryshe do duhet të presë sulmet e tij.

 “‘Anonymous’ nuk është një grup i vogël i pafuqishëm i njerëzve për ta injoruar. Ne jemi të organizuar, globalisht aktivë, kolektiv i individëve me mendësi të njëjtë dhe mesazhi ynë do të jetë i qartë. Nëse nuk i ndaloni veprimet e rrezikshme në Kosovë, njerëzit e Kosovës nuk janë pa mbështetje. Ne jemi ‘Anonymous’. Ne jemi Legjion. Ne nuk falim. Ne nuk harrojmë. Na prisni neve”, thuhet në postim. 

Kujtojmë, se më herët Anonymous ka dalë dhe në mbrojtje të Ukrainës, duke sulmuar qeverinë ruse, por edhe mediat e Kremlinit.