Ky është momenti i tmerrshëm kur një djalë 9-vjeçar u ngrit 20 metra në qiell, teksa ishte brenda një tullumbaci gjigand në Liverpool, Britani e Madhe.
Djali i ri po merrte pjesë në aktivitetin e zorbimit në një pishinë të improvizuar, në Festivalin e Ushqimit dhe Pijeve në Southport, Merseyside, kur një flad i fuqishëm ere e ngriti në ajër.
Ai u transportua me helikopter në spital me lëndime të shumta pasi vullnetarë nga Ambulanca St John’s mbërritën në vendngjarje, por policia tha se i mituri nuk ishte në rrezik për jetën.
Videoja, e cila ka mbledhur më shumë se 5,000 shikime në Twitter, tregon fëmijë të tjerë që vrapojnë brenda topave të veçantë të fryrjes zorb në pishinën e vozitjes, kur papritmas djali i ri shfaqet teksa fluturon mbi pemë.
Ndërsa stafi përpiqet të ndihmojë, ai më pas përplaset në tokë nga një lartësi e madhe.
