Autori i vrasjes së 9 personave në fshatrat Dubona dhe Malo Horaje është dënuar me 20 vjet bur nga autorietet serbe. Gjykata në qytetin e Smederevës shpalli fajtor Uros Blazic për vrasjen e nëntë personave dhe plagosjen e disa personave të tjerë, ngjarje që u regjistrua më 4 maj 2023. Dënimi ndaj tij është maksimumi që mund t’i vendoset autorit me ligj pasi ai ka qenë nën moshën 21 vjeç kur ka kryer krimin.
Me 20 vjet burg u dënua edhe babai i autorit, Radisa Blazic, arma e paligjshme e të cilit ishte përdorur nga vrasësi. Vërehet se më 4 maj 2023, në orët e vona të natës, Uros Blazic i armatosur me kallashnikov, po lëvizte me makinën e tij në fshatrat Dubonë dhe Malo Orasije, ku takoi dy grupe të rinjsh dhe hapi zjarr. Nëntë të vdekur dhe dymbëdhjetë të plagosur ishin viktimat. Viktima më e re ishte 14 vjeç dhe më e vjetra 25.
Familjet e viktimave shprehin pakënaqësinë e tyre për masën e dënimit, duke e konsideruar absurde faktin që ligji mbron një kriminel që futi në zi dy fshatra.Ky krim ndodhi tre ditë pas vrasjes masive në një shkollë të Beogradit, kur një nxënës 14-vjeçar qëlloi dhe vrau nëntë nga shokët e tij të klasës dhe rojen e shkollës.