Presidenti i Ukrainës, Volodymyr Zelensky, ka deklaruar se inteligjenca ushtarake ukrainase disponon prova “të pakundërshtueshme” që Rusia po vazhdon t’i ofrojë mbështetje informative Iranit.
Pas një takimi me kreun e inteligjencës ushtarake, Zelensky u shpreh se Moska po përdor kapacitetet e saj në fushën e inteligjencës së sinjaleve dhe asaj elektronike, si dhe të dhëna të siguruara përmes bashkëpunimit me partnerë në Lindjen e Mesme.
Nga ana tjetër, Kremlini ka hedhur poshtë raportimet e mediave ndërkombëtare, përfshirë ato të The Wall Street Journal, duke i cilësuar si “lajme të rreme” pretendimet se Rusia po ndan imazhe satelitore dhe teknologji të avancuar dronësh me Iranin.
Deklaratat vijnë në një moment tensionesh të larta në rajon, ndërsa vijojnë zhvillimet diplomatike dhe ushtarake mes palëve.