Zgjerohet konflikti në Lindjen e Mesme, çmimi i naftës shkon në mbi 100 dollarë për fuçi

Çmimet e naftës u rritën në mbi 100 dollarë për fuçi për herë të dytë brenda pak ditësh, ndërsa lufta e vazhdueshme në Lindjen e Mesme vazhdon të ndikojë në furnizimet globale me karburant.

Kjo vjen pavarësisht se Agjencia Ndërkombëtare e Energjisë propozon lirimin më të madh të rezervave strategjike të naftës në historinë e saj në një përpjekje për të luftuar rritjen e çmimeve, shkruan Sky News.

Agjencia tha të mërkurën se 32 vendet anëtare të saj kishin rënë dakord unanimisht të vinin në dispozicion të tregut 400 milionë fuçi nga rezervat e tyre të emergjencës.

Si pjesë e kësaj përpjekjeje, SHBA-të njoftuan se do të lirojnë 172 fuçi, ndërsa Mbretëria e Bashkuar do të lirojë 13.5 milionë fuçi.

Më herët këtë javë, çmimi i naftës u rrit në 120 dollarë për fuçi, një nivel pothuajse katërvjeçar, përpara se të binte përsëri ndërsa presidenti amerikan, Donald Trump sinjalizoi se lufta mund të mbaronte së shpejti.