Dashi
Të lindurit në shenjën e Dashit do ndiejnë nevojën për të ngadalësuar ritmin. Pas disa ditësh të ngarkuara, pak qetësi do t’iu bëjë mirë. Mos u përpiqni të impononi mendimet tuaja në marrëdhënie personale – dëgjoni më shumë, flisni më pak. Në punë, rikthehuni dhe rishikoni një projekt të fundit me kujdes; mund të kuptoni diçka të rëndësishme që nuk e kishit vënë re. Praktikat si meditimi, shkrimi personal ose ecja në natyrë do t’ju ndihmojnë të qetësoni mendjen. Një grua do të ketë ndikim te gjendja juaj shpirtërore. Pasdite mund të ndodhë ndonjë vonesë apo situatë e papritur që do iu ndryshojë planet – tregoni fleksibilitet. Edhe pengesat kanë një mësim për t’iu dhënë.
Demi
Do të keni një ditë me ide të qarta dhe ndjesi pozitive. Është koha të lini pas tensionet dhe të hapeni ndaj gjërave të reja. Në jetën sentimentale, nëse jeni vetëm, mund të njihni dikë që iu ngjall interes të veçantë. Në punë, përqendrimi është i domosdoshëm – një gabim i vogël mund të ketë pasoja. Besoni instinktit, edhe kur logjika ngurron. Nëse ka njerëz që iu lodhin apo iu heqin energjinë, mbani distancë. Mbrëmja mund të sjellë një ëndërr të pazakontë, me kuptim të thellë – mbajeni mend, sepse mund të jetë një shenjë.
Binjakët
Do të përjetoni një ditë të larmishme, me shumë ndryshime emocionale. Do jeni më tërheqës dhe bindës se zakonisht – shfrytëzojeni këtë për të zgjidhur situata të vështira me të tjerët. Në dashuri, kërkohet qartësi. Marrëdhëniet e gjata do gjejnë sërish harmoni, ndërsa ata që janë vetëm mund të njohin dikë interesant. Në punë, një ide e papritur mund të bëhet pikë kthese. Jepni hapësirë krijimtarisë – edhe idetë që duken të çuditshme mund të funksionojnë. Qëndroni larg debateve, sidomos me persona me natyrë më të qëndrueshme. Mbrëmja është moment i mirë për reflektim – bëni qetësi dhe dëgjoni veten tuaj.
Gaforrja
Kjo është një ditë e ndjeshme dhe e thellë për ju. Mund të ndiheni të brishtë emocionalisht, por kjo është pjesë e një procesi të rëndësishëm ndryshimi. Mos i shtypni ndjenjat – pranojini dhe mësoni prej tyre. Në familje, mund të ndiheni të keqkuptuar, por mos e merrni personalisht – kush ju do, do ju kuptojë sërish. Në punë, vazhdoni të punoni me përkushtim, edhe nëse nuk shihni rezultate të menjëhershme. Një person nga e kaluara mund të rikthehet për t’ju dhënë një mesazh apo për t’ju kujtuar diçka të pazgjidhur. Mbrëmja mund të sjellë një telefonatë ose mesazh që do ju prekë – mbajeni mendjen dhe zemrën të hapur.
Luani
Do jeni në formë shumë të mirë dhe do tërhiqni vëmendjen e të tjerëve. Do ndiheni më të sigurt në vetvete dhe më karizmatik. Në dashuri, jeni shumë joshës – ata që janë në çift do kalojnë çaste të ngrohta, ndërsa beqarët do tërheqin interes. Në punë, mund të hapet një mundësi e mirë, por mos nxitoni – analizoni çdo propozim. Këshillohet kujdes edhe në fushën e financave – mos merrni vendime të nxituara për investime. Kujdesuni për shëndetin: një shëtitje në natyrë ose aktivitet fizik i lehtë do ju bëjë mirë. Dikush që është larg mund të lidhet me ju sot – merreni si shenjë që jeta po ju çon drejt diçkaje të re.
Virgjëresha
Të lindurit në shenjën e Virgjëreshës do ndihen më të përqendruar dhe të kthyer nga vetja. Yjet ju nxisin të dëgjoni më shumë trupin dhe ndjenjat tuaja – nëse jeni të lodhur, pushoni; nëse ndiheni të pasigurt, analizoni qetë pse. Në çështjet e zemrës, kujdes me mënyrën se si flisni: edhe një koment i thënë pa qëllim të keq mund të lëndojë dikë. Beqarët kanë nevojë për më shumë kohë për të kuptuar se çfarë duan në të vërtetë nga një lidhje. Në punë, saktësia juaj është një avantazh, por mos u kapni pas çdo detaji – pak fleksibilitet do ju ndihmojë të ecni më shpejt. Në planin financiar, një problem që ju ka shqetësuar mund të zgjidhet, falë zgjuarsisë dhe përvojës suaj. Mbrëmja është ideale për qetësi – një muzikë relaksuese, një çaj i ngrohtë apo shkrimi në një ditar mund të ndihmojnë në sqarimin e mendimeve. Po ndodh një ndryshim i brendshëm – edhe nëse nuk e ndjeni menjëherë, çdo ditë po ju çon drejt një versioni më të pjekur dhe të qartë të vetes suaj.
Peshorja
Do të ndiheni më të balancuar dhe tërheqës në sy të të tjerëve. Do të shkëlqeni në marrëdhënie sociale dhe mund të keni një bisedë që hap mundësi të reja, qoftë në dashuri apo në punë. Do të ndiheni më të sigurt në veten tuaj, dhe Venusi ju jep një magnetizëm të veçantë. Është momenti të besoni në vlerat tuaja. Një ëndërr apo dëshirë që e kishit lënë pas dore, mund të rikthehet në vëmendje – mos e injoroni. Mund t’ju duhet të merrni një vendim deri në mbrëmje: ndiqni intuitën tuaj. Nëse punoni në art, mund të keni ide shumë frymëzuese. Në mbrëmje, kushtojuni vetes – një banjë e ngrohtë, një libër, pak muzikë – do ju ndihmojnë të riktheni harmoninë e brendshme.
Akrepi
Do ndiheni të pushtuar nga një energji e fortë që sjell ndryshim të brendshëm. Është dita për të qenë të sinqertë me veten dhe të tjerët. Në dashuri, ndoshta keni nevojë të thoni diçka që e keni mbajtur përbrenda – mos kini frikë. Një bisedë e ndjeshme mund të sqarojë shumëçka. Në punë, përkushtimi juaj do shpërblehet, por duhet të jeni gati për të bërë një hap të guximshëm. Lërini mënjanë gjërat që nuk ju shërbejnë më. Dikush nga rrethi juaj mund të tregojë një anë që nuk e keni parë më parë – qëndroni të hapur. Në mbrëmje mund të përjetoni ndjesi shumë të thella ose ëndrra të fuqishme. Shënoni çdo mesazh që ndjeni – universi ka diçka për t’ju thënë.
Shigjetari
Yjet ju buzëqeshin me butësi. Do të keni një ditë të këndshme, sidomos në marrëdhënie. Nëse jeni në një lidhje, do të gjeni sërish mirëkuptim përmes gjesteve të thjeshta. Beqarët do të tërhiqen nga persona të pazakontë, me shpirt të lirë si vetë ata. Në punë, mund të merrni një ofertë që nuk e prisnit – mos e refuzoni menjëherë, mendoni mirë. Do të frymëzoni të tjerët me entuziazmin dhe mendjen tuaj të hapur. Shmangni debatet e kota – nuk keni nevojë të provoni asgjë, thjesht jini vetvetja. Edhe një udhëtim i shkurtër, fizik ose emocional, do ju ndihmojë të rifitoni qartësinë. Mbrëmja do ju sjellë një mendim udhëheqës – besojeni.
Bricjapi
Yjet ju kujtojnë vlerën tuaj të brendshme. Jeni të qëndrueshëm, por kjo nuk do të thotë që nuk keni nevojë për ndryshim të brendshëm. Në dashuri, një bisedë e hapur mund të ndryshojë rrjedhën e marrëdhënies. Mos kini frikë të tregoni anën tuaj të ndjeshme – aty fshihet forca juaj. Në punë jeni të vendosur dhe të përgjegjshëm, por mos neglizhoni shenjat e lodhjes. Merrni pak kohë për veten, qoftë edhe 15 minuta heshtje. Një njeri i afërt do ju befasojë me një veprim të ndjeshëm. Dita është e mirë për të bërë një angazhim afatgjatë – qoftë me dikë tjetër apo me vetveten. Shkruani një synim, bëni një rit të thjeshtë, ndizni një qiri – gjërat e vogla kanë fuqi të madhe.
Ujori
Do ndjeni dëshirë për ndryshim dhe liri. Do të ndiheni më në harmoni me veten dhe do të keni qartësi për atë që doni. Marrëdhëniet me të tjerët bëhen më të lehta, por edhe më të sinqerta. Në punë, është koha për të marrë guxim dhe për të ndjekur një ide që e keni pasur prej kohësh. Lini pas kufizimet që ju kanë penguar më parë – keni kapacitetin për të krijuar diçka ndryshe. Bëni diçka që ju ngjall pasionin: lexim, art, shëtitje vetëm. Mos ndiqni axhendën e të tjerëve – ndiqni ritmin tuaj. Mbrëmja do ju sjellë një mesazh të qetë, të dobishëm për ditët në vijim. Mbajeni mend: do ju udhëheqë.
Peshqit
Zemra juaj do jetë udhërrëfyesi më i mirë nesër. Do ndiheni emocionalisht të hapur dhe intuitivë. Në dashuri, jini të sinqertë dhe mos e mbani veten pas. Partneri apo personi që ju pëlqen ka nevojë për ndjeshmërinë tuaj, jo për maska. Ata që janë në një marrëdhënie të paqëndrueshme mund të marrin më në fund një përgjigje të qartë. Në punë, mos e teproni – sukseset do vijnë, por jo menjëherë. Dita është ideale për aktivitete krijuese ose për reflektim shpirtëror. Mund të lexoni diçka nga një libër i vjetër ose një ditar personal – do gjeni shenja që ju flasin drejtpërdrejt. Gjatë natës, ëndrrat mund të jenë të thella dhe domethënëse. Shkruajini: do ju ndihmojnë të hapni dyer të reja në jetën tuaj.