Një nga virtytet më të nënvlerësuara, por edhe më të fuqishme, është durimi. Astrologët theksojnë se vetëm disa shenja të zodiakut kanë aftësinë të ecin përpara pa u lodhur emocionalisht nga pritja.
Gaforrja është një nga shenjat më të duruara të zodiakut, falë ndjeshmërisë dhe inteligjencës së saj emocionale. Ajo kupton se njerëzit dhe situatat kanë ritmin e tyre dhe nuk përpiqet t’i detyrojë gjërat të ndodhin më shpejt seç duhet. Durimi i Gaforres buron nga empatia dhe aftësia për të dëgjuar pa gjykuar.
Peshorja shquhet për qetësinë dhe aftësinë për të ruajtur ekuilibrin në çdo situatë. Ajo shmang reagimet impulsive dhe konfliktet e panevojshme, duke zgjedhur të vëzhgojë dhe të reflektojë përpara se të veprojë. Durimi i saj lidhet ngushtë me dëshirën për harmoni dhe marrëdhënie të shëndetshme.
Bricjapi konsiderohet shembulli më tipik i durimit të aplikuar në praktikë. Për të, asgjë me vlerë nuk arrihet shpejt. Ai pranon vonesat, sakrificat dhe pengesat, i bindur se këmbëngulja sjell rezultate. Me një vizion të qartë afatgjatë, Bricjapi ndërton themele të forta sidomos në karrierë dhe financa, duke arritur shpesh një sukses të qëndrueshëm që vjen gradualisht, por nuk lëkundet me kalimin e kohës.