Jeni vaksinuar me Pfizer? Mund të jetë e nevojshme të merrni një dozë të tretë

Të gjithë ata që janë vaksinuar me Pfizer mund të duhet të marrin edhe një dozë të tretë të vaksinës kundër covid-19.

Lajmi është bërë i ditur nga Drejtori Ekzekutiv i kompanisë Pfizer, Albert Bourla.

Gjatë një diskutimi me një panel në CNBC, Albert Bourla deklaroi se një dozë e tretë e vaksinës që rrit mbrojtjen mund të administrohet 6-12 muaj pasi një person të ketë marrë dy dozat e vaksinës.

Ai tha gjithashtu se është e mundur që njerëzit do të duhet të vaksinohen kundër virusit çdo vit.

Kompania Pfizer dhe partneri i saj gjerman BioNTech nisën studimet rreth mundësisë së përdorimit të dozës së tretë të vaksinës që në muajin shkurt. Doza e tretë do të ketë si qëllim për të mbrojtur njerëzit nga variantet e reja të koronavirusit.