Ministrja e Arsimit, Besa Shahni njoftoi se shkollat do të hapen në shtator.
Por janë përgatitur disa skenarë për këtë gjë, tha ministrja e Arsimit Besa Shahini për t’i hapur me kujdes.
Ministrja shtoi se ka shkolla që mësimi mund të zhvillohet normalisht, pasi kanë pak nxënës. Ndërsa theksoi se ka edhe shkolla me numër të madh nxënësish, të cilët duhet të ndahen.
“Skenarët janë të ndryshëm në varësi të numrit të nxënësve. Ka shkolla që mund të vazhdojnë mësimin normalisht se kanë pak nxënës. Ka shkolla që kanë numër të madh nxënësish që duhet të organizohen në një formë tjetër.
Duke i ndarë ose në më shumë turne ose duke i çuar disa nxënës te shkollat më të afërta. Ne kemi bërë një pilotim. Mund të ruajmë shëndetin duke i hapur shkollat me shumë sukses. Kemi parë edhe modelet e vendeve të huaja. Bashkitë do të duhet të fillojnë pastrimin shkollave”, u shpreh ministrja.