Parashikimi i motit për këtë të mërkurë/ Kohë e paqëndrueshme pothuajse në të gjithë territorin

Dita e mërkurë do të karakterizohet nga mot relativisht i paqëndrueshëm në pjesën më të madhe të vendit.

Temperaturat do të variojnë nga 8 gradë Celsius vlera minimale deri në 26 gradë Celsius ajo maksimale.

Era do të fryjë me drejtim veriperëndim-juglindje dhe me shpejtësi mesatare rreth 5 m/s. Megjithatë, përgjatë vijës bregdetare dhe në zona të ulëta si lugina, era pritet të fitojë intensitet, duke arritur deri në 10 m/s.

Deti do të jetë mesatarisht i qetë, me valëzim të përkohshëm në shkallën 1 deri në 3 ballë.