Dy persona kanë humbur jetën si pasojë e një aksidenti të rëndë trafiku në fshatin Surkish të Podujevës.
Sipas raportit 24-orësh të Policisë, aksidenti ka ndodhur të dielën rreth orës 22:30, kur një veturë me targa të huaja, e drejtuar nga një shtetas kosovar, dyshohet se për shkak të pakujdesisë është përplasur me një veturë tjetër.
Si pasojë e aksidentit, drejtuesi dhe pasagjeri që ndodheshin në veturën me targa të huaja kanë humbur jetën.
Vozitësi i veturës tjetër ka marrë tretman mjekësor, ndërsa me vendim të prokurorit është dërguar në mbajtje.
Trupat e pajetë të dy viktimave janë dërguar në Institutin e Mjekësisë Ligjore (IML) për obduksion.