Shefi i kabinetit dhe bashkëpunëtori më i afërt i presidentit Hashim Thaçi, Bekim Çollaku ka dalë kundër dialogut Kosovë-Serbi të udhëhequr nga Bashkimi Evropian.
Çollaku, në një postim në Twitter, ka shkruar se rifillimi i dialogut teknik të udhëhequr nga BE-ja nuk është në interesin e Kosovës dhe se është krijuar për të justifikuar hapjen e më shumë kapitjeve për Serbinë.
“Rifillimi i dialogut teknik të udhëhequr nga BE nuk është në interesin e Kosovës. Është krijuar për të justifikuar hapjen e më shumë kapitujve të pranimit për Serbinë ndërsa e lë Kosovën të izoluar nën status quo-në aktuale. Qëllimi duhet të jetë një marrëveshje politike përfundimtare me njohje reciproke”, ka shkruar Çollaku në Twitter.
Reagimi i Çollakut, sipas Kallxo.com, vjen pak ditë pas takimit që kryeministri Hoti kishte me presidentin e Serbisë në Bruksel me ftesë të Bashkimit Evropian. Nuk dihet nëse ky është një qëndrim personal i Çollakut, apo i këtij mendimi është edhe vetë presidenti Thaçi.
Resumption of EU led technical dialogue is not in Kosovo’s interest. It is designed to justify opening more accession chapters for Serbia while leaving Kosovo isolated under the current status quo. The aim should be a final political deal with mutual recognition.
— Bekim Çollaku (@bcollaku1) July 18, 2020