“Do ketë arrestime në nivel të lartë”/ Paralajmërimi i fortë për qeverinë: S’ka njerëz të paprekshëm

Zyrtari i AAK-së, Daut Haradinaj ka paralajmëruar arrestime të zyrtarëve nivelit të lartë në Qeverinë Kurti.

Ppërmendur rast specifik se për çfarë bëhet fjalë, Haradinaj tha se posedojnë dokumente të cilat do t’ia ofrojnë Prokurorisë në ditët në vazhdim.

Madje ai përmendi edhe informacione tjera lidhur me publikimin e fundit të përgjigmeve në ministrinë e Rozeta Hajdarit, për të cilat thotë se janë të implikuar edhe emra tjerë zyrtarësh.

“Edhe ne në kohë do t’i marrim materialet e do të ja ofrojmë Prokurorisë. Do të jeni dëshmitarë që në ditët në vijim do të ketë arrestime edhe në nivelin e lartë në ekzekutiv, siç patë zyrtarë të lartë në Mitrovicë, drejtorin e KEK-ut, afera e Berishajt dhe e Rozeta Hajdarit. Për çka unë kam informacione, që janë më shumë se pesë zyrtarë të lartë të implikuar, disa janë edhe zv/ministra të cilët janë me aktakuzë të gatshëm, e që pritet momenti i zbatimit.

S’ka në Kosovë njerëz të paprekshëm. Të gjithë duhet me ditë që sot janë në pushtet, nesër s’janë. Të gjithë do të përballen me drejtësinë, sidomos ata që janë të inplikuar me krimë e korrupsion. Dhe s’do të heqim dorë, njësoj si kanë bërë këta (VV).” – tha ai.