Një person me inicialet I.M. është arrestuar të dielën në Zveçan nën dyshimin për përfshirje në sulmet ndaj pjesëtarëve të KFOR-it dhe Policisë së Kosovës gjatë trazirave të majit 2023.
Aksioni u krye nga Drejtoria për Hetimin e Krimit të Organizuar dhe Krimeve të Rënda, nën udhëzimet e Prokurorisë Speciale pas një sërë hetimesh të intensifikuara. Ngjarja lidhet me përplasjet e dhunshme të 29 majit ku mbetën të plagosur 93 pjesëtarë të KFOR-it, pas kundërshtimit të serbëve lokalë për hyrjen e kryetarëve të rinj në ndërtesat komunale.
Ndaj të arrestuarit rëndojnë akuza të rënda, përfshirë sulmin ndaj personave zyrtarë, huliganizmin, bashkimin për veprimtari kundërkushtetuese dhe rrezikimin e personave nën mbrojtje ndërkombëtare. Ndërkohë, autoritetet kujtojnë se i dyshuari konsiderohet i pafajshëm derisa fajësia e tij të provohet me një vendim të formës së prerë