Serbët sulmuan gazetarët në veri të Kosovës, vjen reagimi i fortë i OSBE: Ndodhi për herë të katërt

Ambasadori i SHBA-së në Kosovë, Jeffrey Hovenier ka reaguar për sulmin ndah gazetarëve në Zupç të Zubin Potokut. Në veri të Kosovës u sulmua një ekip mediatik. Gazetarja dhe shoferi kanë pësuar lëndime trupore dhe janë dërguar në spital.

Po ashtu,misioni i OSBE-së në Kosovë, ka reaguar për sulmin e sotëm ndaj ekipit të medias në veri të Mitrovicës.

Aty thuhet se këto sulme janë të papranueshme dhe duhet të ndërpriten menjëherë.

“Dënojmë fuqishëm sulmin ndaj ekipit të Klan Kosovës sot në Zubin Potok. Ky është sulmi i katërt ndaj profesionistëve të mediave, që po raportojnë nga veriu i Kosovës, që nga fillimi i dhjetorit. Këto sulme janë të papranueshme dhe duhet të ndërpriten menjëherë.

Siguria e gazetarëve në kryerjen e detyrave të tyre profesionale duhet të mbrohet në çdo kohë. U bëjmë thirrje të gjithëve që të përmbahen nga aktet e dhunës”, tha OSBE-ja, misioni në Kosovë.