Një mbajtës gjarpërinjsh, i cili i adhuronte ato, është vrarë nga një prej gjarpërinjve më të rrallë “King Kobra”.
Djali, i quajtur Vladimir, vdiq pak minuta pasi ishte kafshuar nga kjo kobër, ndër më të rrezikshmet në botë.
E dashura e tij Anna, ishte me 21-vjeçarin në apartamentin e tij në një prej rajoneve të Rusisë. Ajo i ka thënë policisë së djali po ushqente kobrën kur është pickuar dhe mendohet se helmi i këtij lloj gjarpri është ndër më të rrezikshmit.
Vajza, pas ngjarjes ka lajmëruar menjëherë ambulancën, por për fat të keq ka qenë i pamundur shpëtimi i tij.
Anna ka thënë: “Vladimiri nuk kishte frikë nga gjarpërinjt, madje ai kishte disa lloje në shtëpi”. Ai ka filluar të mbledhë gjarpërinj dy vjet më parë dhe në profilet e tij në rrjetet sociale kishte foto me ta.
16 dhjetor 2015 (gazeta-Shqip.com)