Përkeqësimi i motit gjatë ditëve të fundit është pasuar me probleme në qarkullimin e automjeteve në akse të ndryshme rrugore të vendit, çka është bërë shpesh edhe burim aksidentesh. Pikërisht, me qëllimin parandalimin e aksidenteve me pasoja për jetën dhe shëndetin e njerëzve, shërbimet e policisë po ushtrojnë kontrolle të vazhdueshme për respektimin e kërkesave të Kodit Rrugor nga ana e drejtuesve të mjeteve, si dhe në drejtim të pajisjes së mjeteve me pajisjet dimërore.

Në këtë kuadër Policia e Shtetit ka bërë publike edhe listën e akseve rrugore ku aktualisht rekomandohet përdorimi i zinxhirëve:


Në qarqet Kukës dhe Dibër

1. aksi B.Curri – Valbonë

2. aksi Krumë – B. Curri ,

3. aksi Kukës – Topojan ,

4. aksi Kukës – Ujmisht – Zall Dardhë – Muhurr – Peshkopi,

5. aksi Kukës – Bushtricë – Kala e Dodës – Sllovë – Peshkopi,

6. aksi rrugor Topojan – Shishtavec,

7. aksi Kukës – Qafë Shllak – Qafë e Malit – Fushë Arrës,

8. aksi Shupenzë – Ostren,

9. aksi Krastë – Bulqizë,

10. aksi Bulqizë – Librazhd ,

11. aksi Arras – Lurë ,


Në qarqet Shkodër dhe Lezhë

1. aksi rrugor Shkodër – Koman,

2. aksi Qaf Çelë – Pukë – Fushë Arrës,

3. aksi Qafë e Malit – Fushë Arrës – Shpal

4. akset Koplik – Razëm,

5. akset Bogë – Theth dhe Selcë – Vermosh,

6. akset në drejtim te Dukagjinit,

7. aksi Qafë Mali – Dardhë – Fierzë,

8. aksi Fushë Arrës – Iballë,

9. akset rrugore në zonat e thella të Mirditës në drejtim të Lurës,


Në qarkun e Korçës

1. aksi rrugor Kapshticë – Korçë – Qafë Thanë,

2. aksi rrugor Boboshticë – Dardhë,

3. aksi rrugor Korçë – Voskopojë,

4. aksi Korçë – Ersekë – Leskovik,

5. aksi Korçë – Goricë,


Në qarkun e Gjirokastrës

1. aksi Jorgucat – Qafa e Muzinës,


Në qarkun e Vlorës

1. aksi rrugor Vlorë – Llogara, lëvizja e automjeteve kryhet me zinxhirë, pasi ka dhe shtresa akulli.


Në të gjitha akset e tjera rrugore lëvizja e mjeteve bëhet normalisht pa probleme, thuhet në njoftimin e policisë së shtetit.

10 dhjetor 2012 (gazeta-Shqip.com)